Калыкле мер премий верч кучедалаш ӱжыт
Республикысе калыкым калыкле мер премий верч кучедалаш ӱжыт. «Йоча- влак дене келшен пашам ыштыше Российысе организаций- влак» калыкле мер премийым пуаш ойырен налме конкурс эрта. Тидын нерген йоча да самырык- влакын пашашт шотышто регион- влак кокласе рӱдер увертара. Конкурс коммерциян да коммерцийдыме организаций-влакын пашаштлан, тыгак йочалан полышым пуышо да варажым окса дене полшышо кугыжаныш тӧнеж- влакын сомылыштлан эрыкан мер экспертизым эртарымаш семын лиеш. Мероприятий кум йыжыҥ дене эрта: 29-ше декабрь марте йодмашым налыт, 31-ше январь марте ойырен налмаш лиеш, 28-ше февраль марте мероприятийыш ушнышо- влакын проектышт да вияҥме программыштлан тӱшка презентаций эрта. Конкурсыш йоча- влаклан экскурсийым эртарыше, физкультура да тазалыкым пеҥгыдемдыме, спорт да фитнес полышым пуышо, йоча, еш, икшыван ӱдырамаш- влаклан социал полышым, ешартыш шинчымашым пуышо, канаш йӧным ыштыше, тӱвыра да каныш полышым пуышо организаций- влак ушнен кертыт. Ойырен налмаште сеҥыше- влак йоча дене пашам ыштыме проектым шыҥдараш 200 тӱжем теҥге марте грант оксам налыт.
