Йошкар-Оласе да Кипрысе тунемше- влак телекыл гоч мутланеныт

Йошкар-Оласе да Кипрысе тунемше- влак телекыл гоч мутланеныт
Республикынан рӱдолаштыже «Йошкар-Ола- Лимассол» тӱнямбал телекӱварым эртарыме. Тудо лудшо- влакын «Илыше классика» тӱнямбал конкурсышт кышкарыште икымше гана Йошкар-Ола ден Кипрысе ӱдыр-рвезе- влаклан ваш мутланаш йӧным ыштен. Тушко Йошкар-Оласе сеҥыше, призёр, чолга участник ден туныктышо- влак да Кипрысе частный руш школышто тунемше- влак ушненыт. Ола- влак дене вашла палдарымеке, йӱла нерген каласкалымеке, участник- влак конкурсым каҥашеныт. Нуно «Самырык лудшым аклыме критерий- влак» теме почеш мутланеныт, шкешт, сеҥымашышт, тунеммышт, йӧратыме сомылышт нерген уло кумылын каласкаленыт. Ик ӱдыр марий писательын марла произведенийже гыч ужашым лудын пуэн. Мучашлан кок элысе ӱдыр- рвезе- влак вашла открыткым возеныт да кылым кучымо йӧным палемденыт. Кӧ пала, ала нуно эше «Артекыште» конкурсын финалыштыже вашлийыт?

Прошлые выпуски