Эрла РВСН-ын кечыже палемдалтеш
Эрла Стратегический назначениян Ракет войскан кечыже палемдалтеш. Мемнан дене верланыше кумшо степень Кутузов орденан 14-ше Киевско- Житомирский ракет дивизийын военнослужащийеже да ветеранже- влакым Республикым вуйлатыше Александр Евстифеев саламла. Правительствын да шкемын лӱмем дене ракет войскам ыштымылан 60 ий темме дене саламлем. РВСН Россий армийын кугешнымашыже, элнан эрыкан улмо да калыкле лӱдыкшыдымылык шотышто гарнатше улеш. Ракет войска задачым шукташ эре ямде да шочмо элнан тыныслык ден ласкалыкшым ӱшанлын арала. Дивизийын салтакше-влак моштымашыштым чарныде шуарен шогат да сутка мучко боевой дежурствым наҥгаят. Тушто физически ямдылалтше, лӱддымӧ, чатка дисциплинан еҥ- влак- чын профессионал- шамыч служитлат. Йошкар-Оласе ракет дивизий кок ий почела РВСН радамыште эн сай семын аклалтын. Пагалыме военнослужащий – влак! Ӱшанем, ончыкыжымат ракетчик- влакын кугурак тукымыштын чапле йӱлаштым умбакыже шуеда, салтак порысым шуктымаште кӱкшӧ лектышым ончыктеда. РВСН-ын ветеранже- влакланат ятыр ий патырлык да шочмо элым йӧратен служитлымыштлан таум каласем. Пӱтынь тӱнямбалне тыныслыкым да Элнам аралымаште служитлымыланда тау. Тек тендан постышто нигунамат боевой тревогын сигналже ок йоҥгалт. Тазалыкым да улан илышым, ешланда, родо-тукым ла лишыл еҥланда пиалым тыланем, - ойлалтеш республикым вуйлатышын саламлымашыштыже.
