Йоча- влак кылме чер дене утларак черланат

Йоча- влак кылме чер дене утларак черланат
Кодшо арнян республике мучко кум тӱжемат 800 утла еҥ кылме чер дене черланен. Тидыже ончычсо арня деч 1,3 процентлан шукырак. Молгунамсе семынак, утларакше 14 ияш марте йоча- влак улыт. Нунын коклаштак черланымаш эпидемий кӱкшыт деч шукырак. Кодшо арнян 17 школысо 31 классыште туныктымашым да 9 йоча садын 13 группыштыжо шуарыме пашам жаплан чарен шогалтыме лийын. Пӱтынек кок школышто туныктымым чарыме ыле. Эпидемий тургымышто 308 тӱжем утла еҥым прививке дене авалташ палемдыме ыле. Тачысе кече марте федерал бюджет кӱшеш 94 процент наре вакциным кондымо. 81 тӱжем утла йоча да 207 тӱжем утла кугыеҥлан прививкым ыштыме. Шке оксам тӱлен ыштыктыше- влак дене пырля чылаже 294 тӱжемат 464  еҥлан прививкым ыштыме. Тидыже уло калыкын 43 утла процентше лиеш.

Прошлые выпуски