Москошто Йошкар-Оласе заводлан полшымо йӧным кычалыт

Москошто Йошкар-Оласе заводлан полшымо йӧным кычалыт
Федераций Советын оборона да лӱдыкшыдымылык шотышто комитетшын заседанийыштыже Марий Элысе оборонно- промышленный комплекс предприятийым вияҥдыме йодышым каҥашыме. Заседанийыште комитетым вуйлатышын алмаштышыже Сергей Мартынов, Марий машиностроитель заводын генеральный директоржо Борис Ефремов, Российысе промышленность да торговля министерствын радиоэлектрон промышленность департаментшын еҥже- влак лийыныт. Ик ий ончыч Москошто, Марий Элын кечыжым эртарыме годым, Марий Элым социал-экономически вияҥдыме шотышто пунчалым пеҥгыдемдыме ыле. Тудын негызеш Федераций Советын комитетше республикыште оборонно- промышленный комплексым вияҥдыме нерген пунчалым пеҥгыдемден. Ынде тений декабрьыште нине решений- влакым шуктен толмо пашам ончен лектыныт. Полышым пуымо шотышто темлымаш- влак ямдылалтыт. Республикын экономикыштыже заводын кугу верым налын шогымыжым шотыш налын, кугыжаныш оборонзаказ шотышто контрактым тичмаш ситараш кӱлеш, - каласен Сергей Мартынов.

Прошлые выпуски