Марий Эл гыч туныктышо Серафим Саровскийын фондшын педагогика премийжым сеҥен налын
Марий Эл гыч туныктышо Серафим Саровскийын фондшын педагогика премийжым сеҥен налын. Фонд «Серафимовский учитель -2019-2020» педагогика конкурслан иктешлымашым ыштен. 2019-2020-шо ийласе тунемме идалыкын конкурсышкыжо Российысе 53 кундем, Белоруссий да Литва гыч 353 туныктышо ушнен. Марий Эл гыч вич туныктышо участвоватлен. Волжск оласе 10-шо школын тӱҥалтыш класслаштыже туныктышо Наталья Галинова Серафим Саровский фондын педагогика премийжын лауреатше лийын. Эше кок туныктышо кумылаҥдыше премийым налеш. Тиде Козьмодемьянскысе «Дарование» школ-интернатыште тӱҥалтыш класслам туныктышо Наталья Любимова дене Волжский районысо Шарача школышто руш йылме ден сылнымутым туныктышо Людмила Томцева. Сеҥыше- влакым саламлымаш 23-25-ше мартыште Серафимо-Дивеевский монастырьыште шанче конференцийыште лиеш.
