Таче Россий архивын кечыже палемдалтеш

Таче Россий архивын кечыже палемдалтеш. Кажне элыште шкеныштын архивышт уло. Тушечын кугыжанышын вияҥмыже, кушмыжо, саеммыже коеш. Кӱлешан документ- влакым йоммо деч арален кодаш, радамлаш, учётыш налаш манын архив- влакым ыштыме. Архив пашаеҥ- влак тиде кӱлешан сомылым чаткан шуктат. Российын историйыштыже икымше Кугыжаныш актым Петр Первый 1720-шо ийыште 10-шо мартыште пеҥгыдемден. Тидыжак пайремым палемдыме кечылан негызым пыштен. Петр Первыйын кидпалыжым пыштыман Устав кугыжаныш виктемым пужен ышташ тӱҥалтышым пуэн да кугыжаныш тӧнежлаште архивым ыштыме. Архив служба ончыкылык тукымлан документ- влакым да Российын историй да тӱвыра поянлыкшым арален кодаш манын ышталтын. Документ архив кажне ийын уэмын да пойдаралтын толеш. Российын архив фондыштыжо 2008-ше ийлан 609 миллион документ шотлалтын. А икымшыжлан 11 курымысо документ шотлалтеш. Пётр Первый деч ончычсо документ- влак монастырьла пелен аралалтыныт. Россий архивын кечыж деч посна эше Тӱнямбал архив кече уло. Тидыже профессийын кӱлешлыкшым эше ик гана пеҥгыдемден ончыкта.

Прошлые выпуски