Марий Эл «Мемнан Сеҥымаш кечына» кугу калык акцийыш ушнен
Марий Эл «Мемнан Сеҥымаш кечына» кугу калык акцийыш ушнен. Тиде патриот акций Юл кундем округысо регион- влакым ик калык коллективыш ушен шога. А тудлан тӱналтышым полномочный представительын аппаратше ыштен. Округысо лӱмлӧ мурызо да хор- влак Давид Тухманов ден Владимир Харитоновын «Сеҥымаш Кече» мурыштым пырля мурат. Марий Элын коллективше руш да марий йылме дене йоҥгалтарен. Марий филармонийын вӱдышӧ солистше- влак да Искандаров лӱмеш хор капелле «Марий кундем» калык семӱзгар оркестын шоктымыж почеш муреныт. Видеороликыште Оласе лӱмлӧ да палыме вер- влакым ончыктымо.
