Марий Йӱштӧ Кугыза шочмо кечыжым палемден
22-шо декабрь гыч 7-ше январь марте марий калык Шорыкйол пайремым палемда. Тиде ик эн палыме да тошто йӱла. Тудо у тылзе шочмеке, телымсе кече шогымо жапыште палемдалтеш. 22-шо декабрьыште Марий Йӱштӧ Кугызат шке шочмо кечыжым палемда. Тудын шочмо верыштыже Шернур районысо Кукнур селаште тудын илемже верланен. Тушто эр гычак пайрем шӱлыш озаланен. Йӱштӧ Коча ден Лумӱдыр уныкаже калык дене пырля пайремым ыштеныт. Нунын илемышт уна- влаклан 18-ше декабрь гыч 1-ше март марте почмо.
