Марий Элыште регби дене школ лигым ыштат
Марий Элыште регби дене школ лигым ыштат. Республикысе регби федераций ден отраслевой министерстве- влак коклаште ойпидышым ыштыме негызеш тэг-регби дене школ лиге почылтеш. Таҥасымаш- влак ныл йыжыҥ дене эрташ тӱҥалыт. Сеҥышыш лекше команде Марий Элын чапшым Российысе Первенствыште арала. Рвезе- влак кызытак ямдылалташ тӱҥалыныт. Икымше таҥасымаш-влак шушаш ийын эртат. Тэг-регби дене школ команде- влак коклаште таҥасымашым вич ий ончычак «Президент модмашын» финалышкыже пуртымо. Тудо «Орлёнок» лагерьыште эрта. 2017-ше ийыште спортын тиде видшым Йошкар-Олаште школьник- влакын Спартакиадыштын программышкыже пуртымо.
