Эрла Сеҥымаш паркыште У ий изиолам почыт

Эрла Сеҥымаш паркыште У ий изиолам почыт
Эрла Йошкар-Оласе Ленин лӱмеш тӱвыра полат теле изиолам почмо лӱмеш мероприятийыш ӱжеш. У ий кож воктелсе городокышто ятыр оҥай мероприятий лиеш. Йӱштӧ Кугыза ден Лумӱдыр модмашым, куштымашым, викториным, хороводым эртарат. Мучашыште Йӱштӧ Кочалан почеламутым лудаш да шере пӧлекым модын налаш лиеш. Кумылан- влаклан скандинав коштмаш дене мастер-класс эрта. Тиде кечынак ий катокым торжественно почыт. Почмо кечын тушто яра мунчалташ лиеш.

Прошлые выпуски