Юл кундем округышто 537 самырык еҥ мер проектыш ушнен

Юл кундем округышто 537 самырык еҥ мер проектыш ушнен
Юл кундем округышто мер проектыш ушнышо- влак 160 тӱжем еҥлан шукемышыт. 2019-ше ийыште округысо патриотизм, шанче-техник, спорт да тӱвыра корно дене проектлашке ушнышо ӱдыр- рвезе- влак 537 тӱжемыш шуыныт. Тидыже ӱмашсе ден 160 тӱжемлан шукырак. Тидын нерген полпред Игорь Комаров граждан обществын институтшо- влаклан вияҥаш полшышо Фондын Советшын заседанийыштыже ойлен. Заседаний округышто тенийсе мер проект-влакым шыҥдарыме йодышым иктешлымылан пӧлеклалтын. Полпред палемден: 2020-шо ийыште школышто тунемше да студент- влакын театр коллективыштын «Театральный Приволжье» фестивальыштым умбакыже шуйымо лиеш. Тений тушко114 студент да 369 школ театр ушнен, чылаже шым тӱжем самырык актёр мастарлыкшым ончыктен. Игорь Комаровын мутшо почеш, уш-акыл дене начаррак вияҥше йоча- влаклан комплексно полшымо системе умбакыже вияҥдалтеш. Кызыт пилот паша Угарман областьыште тергалтеш. Вара тудым моло кундемлаштат шарыме лиеш. Россий Президентын увертарыме Шарнымаш да Чап идалыкыште патритоизм корно дене проект- влаклан тӱткыш ойыралтеш. Тиде- «Ачамландын Геройжо- влак», «КаДетство», «Зарница Поволжья», «Гвардеец» оборонно-спорт лагерь, «Иктат мондалтын огыл» кычалше отряд- влакын слётышт. Кумдан шарлыше «Йоча жапым пӧртылташ», «Туриада», «Иволга» форум, интеллектуал олимпиаде мер проект- влакым умбакыжат вияҥдаш тӱналыт.

Прошлые выпуски