Таче Российысе лӱдыкшыдымылык службо шке профессионал кечыжым палемда
Таче Российысе лӱдыкшыдымылык службо шке профессионал кечыжым палемда. Тиде службын регионысо пӧлкажын пашаеҥже ден ветеранже- влакым Марий Эл правительствын да шкенжын лӱмжӧ дене Республикым вуйлатыше Александр Евстифеев саламла. Тендан куштылго огыл да ответственный пашада элнан калыкле лӱдыкшыдымылыкшым ыштыме дене чак кылдалтын. Тендан шӱм-чон пеҥгыдылыкда, профессионал чаткалыкда, порыслан да илыш принциплан ӱшанле улмыда деч Марий Элысе калыкынат ласкалыкше да улан илышыже шога. Посна тауштымо шомак лӱдыкшыдымылык органын ветеранже- влаклан. Тау профессионализмланда, самырык тукымым шуарымаште чолгалыкым ончыктымыланда, самырык- влаклан пуымо паша опытланда. Самырык тукым тендан йӱладам умбакыже шуя манын ӱшанем. Чылалан тазалыкым, пиалым, еш ласкалыкым да профессионал сеҥымаш- влакым тыланем, - возымо республикым вуйлатышын саламлымашыштыже.
