Оласе уремла гоч йолын вончымо вер- влакым ешарен волгалтарат
Йошкар-Олаште урем гоч йолын вончымо вер- влакым уэмдат. ДТП чӱчкыдын лийме вер- влакым шагалемдаш ола озанлык виктем корно гоч йолын вончымо вер- влакым ешарен волгалтарен уэмдаш контаркт- влакым ыштен. Уэмдышаш верым калыкын йодмыжо почеш ГИБДД дене пырля ойырен налме. Утларакше тиде школ, медицина тӧнеж воктелсе вер- влак да ешартыш волгыдым йодшо ужаш- влак. Мутлан, теҥгече Ян Крастынь ден Васильев урем ушнымаште куд метр кӱкшытан меҥгым шындаш лакым кӱнчымӧ. Вара тушко Марий машиностроитель заводышто ыштен лукмо светодиодан «Альтаир» лампе- влакым верандат. Тыгаяк волгыдым Крастынь уремысе 4-ше пӧрт воктене вончымо верыште вераҥдат. Тыгай пашам Крылов уремысе 23-шо пӧрт воктене, Осипенко ден Чехов урем ушнымаште, Йыван Кырла уремысе 19-ше пӧрт воктене да эше икмыняр вере ыштыме. Ешартыш волгыдо ДТП-м шагалемдаш полшышаш.
