Марий Элын вуйлатышыже Александр Евстифеев олан мэрже Евгений Маслов дене вашлийын.
Марий Элын вуйлатышыже Александр Евстифеев олан мэрже Евгений Маслов дене вашлийын. Вашлиймаште Йошкар-Олам тӱзатыме шотышто йодыш-влакым каҥашеныт. Александр Евстифеев калык деч шуко вуйшиймаш пурымо нерген шижтарен. Евгений Маслов рӱдолаште могай паша ышталтме нерген ойлен. Тыге «Лӱдыкшыдымӧ да сай качестван автомобиль корно-влак» национальный проект почеш 5 корным ачалат. Лишыл жапыште Комсомольский да Пролетарский уремлаште чыла ямдылалтме пашам мучашлен, у асфальтым шараш тӱҥалыт. Тылеч посна корнысо лаке-влакым тӧрлымӧ паша кая. Идалык мучаш марте 20 утла урем ден кум куварым ачалыман.
