Марий Эл бокс дене тӱнямбал турнирым эртараш ямдылалтеш

Марий Эл бокс дене тӱнямбал турнирым эртараш ямдылалтеш
                Марий Эл бокс дене тӱнямбал турнирым эртараш ямдылалтеш. Марий Элым вуйлатыше Юрий Зайцев турнирлан ямдылалтме шотышто оргкомитетын заседанийжым эртарен. Турнир 28-ше февральыште «Марий Эл» Ий полатыште лийшаш. «Рен-ТВ» телеканалын генеральный директоржын  спорт вещаний шотышто советникше Владимир Хрюнов палемден: тудлан тиде проектыште участвоватлымаш кугу честь, турнир кугу историй событий лиеш. Турнирын программыжым ямдылыме. 26-шо февральыште икымше номеран ФОК-ышто спортсмен- влак виш тернировкым эртарат. 27-ше февральыште «Эссен» ужалкалыме рудерыште боксёр- влак дене вашлиймаш эрта. Турнир кышкарыште россий да йотэл боксёр- влак дене кум профессионал кучедалмаш лиеш. Тӱҥ событийже семын Алексей Папин ден Эбенезер Теттен кучедалмашыштым шотлыман. Тыгак Марий Эл гыч да Юл кундем округысо моло регион гыч спортсмен- влакын вич кучедалмашыштым ончаш лиеш. Увер дене РенТВ телеканал ден республикысе СМИ- влак палдарат. Калык шукырак ончыжо манын муниципал образованийласе 10 кинозалыште вияш трансляцийым эртараш палемдыме. Бокс дене Тӱнямбал турнир кышкарыште республикыш 159 участник толшаш
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски