Марий Эл гыч ӱдыр- влак шанче конференцийыште сеҥышыш лектыныт
Марий Эл гыч тунемше ӱдыр- влак шанче конференцийыште да элысе калык- влакын йылмышт ден лудмаште сеҥышыш лектыныт. Озаҥ олаште Регион- влак кокласе кӱкшытан шанче-практик конференций да элысе калык- влакын йылмышт дене лудмаш мучашлалтын. Мероприятий Татарстан Республикысе кугыжаныш йылме- влакым да моло йылмымат аралымаш, шымлымаш да вияҥдымаш» программе почеш эртен. Конференцийыште шым секций пашам ыштен: руш, татар, чуваш, удмурт, мордва, марий да башкир филологий. Чылаже 256 пашам пуымо улмаш, ойырен налме турым 120-жо эртен. Марий филологий секцийыште тиде йыжыҥыште Унчо школын 10-шо классыштыже тунемше Виктория Петрова, Сардаял школын 8-ше классыштыже тунемше-влак Екатерина Кузнецова ден Эльвира Алексеева сеҥышыш лектыныт. Нуно чыланат иктешлыше турышто таҥасеныт. Финалыште Петрова Виктория сайын выступатлен да кокымшо верыш лектын.
Фото: Туныктыш министерстве.
Фото: Туныктыш министерстве.
