Марий Элым вуйлатыше мобилизоватлыме еҥ- влакын ешышт дене эре кылым кучаш да тӱрлӧ полышым пуэн шогаш задачым шынден

           Марий Элым вуйлатыше мобилизоватлыме еҥ- влакын ешышт дене эре кылым кучаш да тӱрлӧ полышым пуэн шогаш задачым шынден. Тудо координационный советын заседанийжым эртарен да палемден: ондак лукмо решений- влак чылан сайын илышыш пурталт толыт.
           Военнослужащий да нунын ешыштлан социал полышым пуымо нерген социал вияҥмаш министрын пашажым шуктышо Марина Островская увертарен. Кажне ешлан социал паспортым ыштыме, лекше йодыш- влакым виктарен колташ чыла мобилизоватлыме ешыштлан социал сопровожденийым пеҥгыдемдыме. Тӱжемат 743 еҥлан ик гана 50 тӱжем теҥге дене тӱлымӧ. Тыгак «Доверие» рӱдерын психологшо- влак Ульяновск областьысе воин частьыш миен толыныт, 56 боец шке ешыштлан полшаш йодыныт. Казармыште южтарыме системым ыштыме, электро да дизель пушко- влакым намийыме, теле вургемым, медикаментым пуымо.
             Тазалыкаралтыш министрын алмаштышыже Татьяна Бастракова палемден: мобилизоватлыме еҥ- влакын ешыштлан медосмотрым ыштыме, 13 йочам «Кичиер» санаторийыш колтымо. Тазалыкаралтыш министерствын еҥже- влакат Ульяновск областьыш миен толыныт, эмым намиеныт, 252 еҥлан медосмотрым эртарыме.
             Туныктыш министрын пашажым шуктышо Лариса Ревуцкаян мутшо почеш профессионал тунемме тӧнежын 65 студентшылан да школышто тунемше 385 йочалан яра шокшо кочкышым пукшат, ныл студентым яра тунеммашке кусарыме, вич йочалан тунемме тӧнежлашке черет деч посна верым пуымо, 457 еҥым йоча садлан тӱлымӧ деч утарыме. Тиддеч посна вузлан 15 студентшылан кок тӱжем тенге стипендийым тӱлат.
             Тиддеч посна спорт-туризм да тӱвыра министрын пашаштым шуктышо- влак Лидия Батюкова ден Константин Иванов, полит партий ден мер организаций- влакын еҥышт шке велымышт могай полышым пуымо нерген ойленыт.
              Марий Элым вуйлатыше мобилизоватлыме ешышт дене кылым кучен шогаш да тӱрлӧ велым умбакыжаш полшаш задачым шынден.

Прошлые выпуски