Йошкар-Олаште эн чолга доброволец- влакым наградитленыт

             Йошкар-Олаште эн чолга доброволец- влакым наградитленыт. Доброволец- влакын Тӱнямбал кечыштым палемдыме вашеш ола администрацийыште  эн чолга доброволец- влакын сеҥымашыштым палемденыт да «Талукын доброволецше» муниципал конкурсым иктешленыт. Талукын лектышыже почеш волонтёр- влак пӧлек ден дипломым налыныт. Нуно 2021-ше ийыште калыкым возен налмаште, «Йӧнан оласе кумдыкым ыштымаш» федерал проектым шыҥдарымаште, патриот акцийлаште да моло мероприятийыште полшеныт. Сеҥыше- влак коклаште «Поро кумыл пашам ямдылыше» номинацийыште Анастасия Антакова, «Студент ушем» номинацийыште ВУЗ-влак коклаште Юлтехын финанс да экономик грамотность волонтёр рӱдерже, СУЗ- влак коклаште Торгово-технологий колледжын «Доброделы» волонтёр отрядше, «ЗОЖ добровоелец» номинацийыште «Медик волонтёр- влак» мер толкын, «Добровольчестве инициативе» корно дене Никита Торощин, «Талукын доброволецше-2022» 19-35 ияш- влак коклаште Евгений Степанов сеҥышыш лектыныт.
                Фото: Йошкар-Ола администарций.

Прошлые выпуски