Волжский район гыч казак- влак Луганскыш черетан гуманитар грузым наҥгаеныт
Волжский район гыч казак- влак Луганскыш черетан гуманитар грузым наҥгаеныт. Эмеково (Купсола) селасе Покро храмын прихожан-казакше- влак кандашымыше грузым погеныт. Специальный сарзе операцийыште кредалше- влаклан полышым погаш Озаҥыште, Волжскышто да Волжский районышто илыше- влак полшеныт. Нунын коклаште черкыш коштшо, доброволец, «Клинок» сарзе-патроит клубын кадетше, амалкалче-влак улыт. Ик тонн наре полышым калык поген- кочкыш сатум, консервым, шӱрашым, шере сийым, коврикым, термобельём, берцым, термоноским, палаткым, калай коҥгам да молымат. Грузым «Российысе воин-казак- влак» ушемын верысе пӧлкажын атаманже Эдуард Кузнецов, тудын йолташыже Радик Ахмедзянов, «Покровский» хуторын походысе атаманже Александр Глухов ден Евгений Баринов ужатен каеныт. «Покровский» хуторын казакше- влакын ик гана веле огыл полшымыштым кӱлеш семын акленыт: походный атаман Александр Глухов ден Купсола храмын протоиерейже Евгений Усковлан «За милосердие и гуманитарную помощь» шарнымашан палым кучыктеныт. Наградым Воин-казак- влак ушемын ЛНР-ысе пӧлкан атаманже, казак полковник Вадим Лисицын кучыктен. - увертара Йошкар-Олан епархийже.
Фото: Йошкар-Ола епархийын сайтше.
Фото: Йошкар-Ола епархийын сайтше.
