«Zа самбо» партпроектым шыҥдарыме кышкарыште спорт таҥасымаш- влак эртеныт

           «Zа самбо» партпроектым шыҥдарыме кышкарыште спорт таҥасымаш- влак эртеныт. Марий Эл да Чуваший гыч 70 утла самырык спортсмен Самбон Россий кӱкшытан кечыжлан пӧлеклалтше мероприятйыште участвовтален. Тений самбо шкенжыш 84-ше шочмо кечыжым палемден. Тидын лӱмеш Йошкар-Оласе «Юбилейный» спорт комплексыште 12-14 ияш рвезе да ӱдыр- влак коклаште самбо дене таҥасымаш эртен. Марий Эл гыч Самбо-Патриот, Олимп, КСШ, Добрыня, Витязь, УОР, Звезда, Лидер команде- влак лийыныт. А Чуваший гыч ЭКРА, УЛАП, Боец, СШОР-10, Новочебоксарск да Урмары команде- влак толыныт. Эн ончыч спортсмен- влак ГТО нормым сдатленыт. Нуным саламлаш «За самбо» партпроектын республикысе координаторжо Игорь Загайнов, самбо дене тренер Герман Чуршуков, «Боевое братство» организацийым вуйлатыше Владимир Белоусов, спорт туризм министрын алмаштышыже Вера Пронина да молат лийыныт. Сеҥыше- влак шарнымашан приз дене палемдалтыныт, а ГТО-м сдатлымашке ушнышо- влак партий деч пӧлекым налыныт.
          Фото: «Единый Российын» сайтше.

Прошлые выпуски