Юрий Зайцев Марий Эл Правительствыште обязанностьым шеледыме нерген распоряженийым пеҥгыдемден

              Юрий Зайцев Марий Эл Правительствыште обязанностьым шеледыме нерген распоряженийым пеҥгыдемден. Правительствым вуйлатыше Юрий Зайцев регионым социал- экономик велым вияҥдыме тӱҥ корно- влакым, финанс-экономик да промышленный политике аланыште тӱҥ корно-шамычым, кугыжаныш программе- влакым ямдылыме да шыҥдарыме,  кучемын исполнительный органжын пашажын тӱҥ ужашыже- влакым рашемда. Тӱрлӧ сферыште исполнительный кучемын пашажым терген да виктарен шога. Правительство вуйлатышын икымше алмаштышыже Михаил Васютин тӱвыра, СМИ, калыкле политике пашалан вуйын шога. Правительстве вуйлатышын икымше алмаштышыже Евгений Кузьмин Правительствын мер-политике корным, самырык- влак политикым, юстицийым виктара. Правительстве вуйлатышын алмаштышыже Дмитрий Троицкий топливно-энергетик комплекс аланыште кугыжаныш политикым шыҥдарымылан, экономикылан, промышленность да тарифлан мутым куча. Правительствым вуйлатышын алмаштышыже Степан Воронцов правонарушенийым шижтарыме, правопорядкым ыштыме аланыште кугыжаныш политикым шыҥдарыме пашам виктара, военный службыш призыв пашаште, военный сборышто, коррупций ваштареш виктаралтше йодыш- влакым решатлымаште участвоватла. Правительстве вуйлатышын алмаштышыже Александр Сальников чоҥымо, архитектура, газым ситарыме, ЖКХ, корно озанлык, транспорт аланыште кугыжаныш политикым шыҥдарыме пашалан вуйын шога.
             Фото: Марий Элым вуйлатышын организаций да аналитик виктемже.

Прошлые выпуски