МарГУ-м почмылан - 50 ий

             Йӱлам аралена- ончыкылыкым ыштена: МарГУ-м почмылан 50 ий. Тений 25-ше ноябрьыште Марий Элын опорный вузшо- Марий Кугыжаныш университет 50 ияш лӱмгечыжым палемда. 1971-ше ийын 4-ше майыште РСФСР-ын кӱшыл да кыдалаш специальный образованийын министрже В.Столетов Йошкар-Олаште университетым ыштыме нерген приказым пеҥгыдемден. Университетым республикысе калык озанлыкын вӱдышӧ отрасльже- влак: промышленность, чоҥымаш, ял озанлыклан чот ситыдыме кадр- влакым ситараш ышталтын. Университетым ямдылыше да икымше ректор семын лӱмлӧ шанчыеҥ, биологий шанче доктор Виктор Колла лийын. Тудо ятыр талантан педагог- влакым ӱжын конден. А декабрьыште университетын структурыжым пеҥгыдемдыме. Тушко историй да филологий, биологий да химий, физике да математике, ял озанлык факультет- влак, ямдылалтме пӧлка, 17 кафедре, шымлыме сектор, 40 кабинет ден лабораторий пуреныт. Лу специальность дене туныкташ палемдыме. Иканаштак тунемме корпус- влак, туныктышо- влаклан илыме пӧрт чоҥалтын. Правительство кугу полышым пуэн. Тидлан Совет пӧртын кок ончычсо зданийжым пуэн да оборудований дене пойдарен. Марий университетым торжественно почмо пайрем 1972-шо ийын 25-ше ноябрьыште эртен. Тыге тудлан 50 ий темеш. Тудым пайремлымаш 25-ше ноябрьыште Марий университетын тӱҥ корпусыштыжо лиеш.

Прошлые выпуски