Марий Элым вуйлатышын кӱштымыжӧ почеш Йошкар-Олалан 50 у пассажир автобусым налыт

         Олалан 50 у пассажир автобусым налыт. Подвижной составым шушаш ийын икымше кварталыште уэмдаш палемдыме. У автобус- влакым оласе тӱҥ маршрутлаште кучылташ тӱҥалыт. Тидыже транспортым ситарыме да калыкым шупшыктымо йодышым виктарен колташ полша. Республикым вуйлатыше совещанийыште тидымат палемден: калык дечын автовокзалын пашаже, коштмо расписанийым шуктыдымо да перевозчик- влакын моло нарушенийышт нерген увер- влак пуренак шогеныт. Транспорт да корно озанлык министр Александр Герасименко палемден: графикым шуктыдымо проблеме чынжымак уло. У автобус- влак траспортым ситарыме йодышым сай могырыш вашталтат. Тиддеч посна инфраструктура бюджет кредит кӱшеш шушаш ийын автономно коштшо вич троллейбусым налаш палемдыме. Тудо у магистраль гоч Ширяйково микрорайон дене кылым ышташ кучылталтеш. У вокзал сайын пашам ышта. Лекше йодыш- влак вигак виктаралтыт. Автовокзал суткаште кок тӱжем пассажирым обслуживатла, 45 маршрут дене автобус колталтеш, чылаже 300 гана автобус тарвана. Нуно республике мучко да моло кунделашкат коштыт. Кызыт Самарыш, Санкт-Петербургыш, Угарманыш, Саратовыш рейсым почаш шонат. Совещанийыште тошто автовокзал нергенат мут лектын. Марий Элым вуйлатыше каласен: калыклан транспортым ситарымаш кӱлешан йодыш, тудым решатлаш кӱлеш. 
             Фото: Марий Элым вуйлатышын организаций да аналитик виктемже.

Прошлые выпуски