Марий Эл гыч Марсель Турсунов «Эн сай чодыра пожарный» лӱм верч кучедалеш
Марий Эл гыч Марсель Турсунов «Эн сай чодыра пожарный» лӱм верч кучедалеш. Тений россий кӱкшытан тиде конкурс лу ияш лӱмгечыжым палемда да Моско воктелсе Софрино олаште эрта. Нылымше ий почела тиде конкурсыш Беларусь республикысе чодыра службын еҥже- влакат ушнат. Чодыра пожарный- влак – тиде чодыраште пижше тул дене кучедалше профессионально ямдылыме парашютист-десантник- влак да чодыра пожар станцийын пашаеҥже- влак. Тенийсе «Российын да Беларусьын эн сай чодыра пожарныйже» лӱм верч Федерал Авиалесоохранын, Авиалесоохранын, мланде ӱмбалсе чодыра службын российысе 17 регион гыч Тора Эрвел гыч тӱҥалын Йӱдвел- касвел марте, Беларусьын тӱрлӧ кундемже гыч чодыра службын парашютист ден десантникше- влак кучедалыт. Таҥасыше- влак коклаште Йошкар-Ола гыч Марсель Турсунов уло. Тудо Федерал авиалесоохранын Юл кундемысе авиапӧлкажын парашют-пожар группыжын инструкторжо улеш. Российысе чодырам тул деч аралыме системыште Марий Эл посна верым налын шога. Республикыште Федерал авиалесоохранын Юл кундемысе авиапӧлкаже верланен. Тудын парашютист ден десантникше- влак элысе тӱрлӧ верыште эн неле чодыра пожар- влакым йӧртымаште тыршат.
Фото: «Авиалесоохрана» ФБУ.
Фото: «Авиалесоохрана» ФБУ.
