Марий Элым вуйлатыше военнослужащий- влаклан республикысе чот кӱлешан объект- влакым аралаш оборудованийым пуэн
Марий Элым вуйлатыше военнослужащий- влаклан республикысе чот кӱлешан объект- влакым аралаш оборудованийым пуэн. Юрий Зайцев Йошкар-Ола гарнизонын войсковой частьшын военнослужащийже-шамычлан тепловизорым, радиостанцийым да лазеран дальномерым кучыктен. Тиде оборудований аэродром кундемыште кӱлешан объект- влакым беспилотник да диверсионно- разведывательный группыла деч аралаш кӱлешан улеш. Теҥгече Марий Элым вуйлатыше войсковой частьын командирже подполковник Антон Котенев дене вашлийын да оборудованийым пуэн. Мый тыге шотлем манын тудо: Вооруженный вийлан полышым пуымаш- исполнительный кучемын ик эн тӱҥ задачыже. Тиде полышын кӱлешлыкшым ме умылена. СВО кундемыште улшо мемнан боец- влаклан мо кӱлешым чыла ситараш тыршена. Мемнан республикыште улшо подразделений- влакат мемнан моральный ответственностьыштына улыт. Тендан подразделенийлан мо кӱлешымат умылена. Поснак пытартыш жапыште лийын шогышо ситуацийым- Моско кундемыште беспилотник- влакын лӱйкалымышт дене лийше азапым шотыш налаш гын, лӱдыкшӧ лектынак шога. Тудо мемнан кажнынам кеч-могай жапыштат тӱкен кертеш,- каласен Юрий Зайцев. Антон Котенев полышым пуымылан Республикым вуйлатышылан таум каласен. Тиддеч посна «Марий Эл верч» фонд кундемым эскерашлан да разведке пашалан кок бинокльым пуэн. Воин частьлан оборудованийым пуымаш Республикыште лӱдыкшыдымылыкым ыштыме кӱлешан ошкыл улеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
