Пенсий ийготан еҥ- влак коклаште финанс грамотность дене Россий кӱкшытан кумшо чемпионатыш ушнаш ӱжыт
Пенсий ийготан еҥ- влак коклаште финанс грамотность дене Россий кӱкшытан кумшо чемпионатыш ушнаш ӱжыт. Чемпионат ийготан еҥ- влак коклаште финанс аланыште шинчымашым кугемдыме толкыным шарен колташ, финанс культурым кугемдаш манын эртаралтеш. Республикыште чемпионатын регионысо йыжыҥже пенсий ийгтан еҥ- влак коклаште икымше гана эртаралтеш Таҥасымаш кокымшо октябрьын лу шагатлан Юлтехын икымше корпусшын лудмо залыштыже тӱҥалеш. Чемпионатыш пенсионер статусым налше 60 ий деч самырык огыл пӧръеҥ да 55 ий деч самырык огыл ӱдырамаш- влак ушнен кертыт. Регионысо йыжыҥын лектышыже почеш федерал йыжыҥыш ушнашлан команде чумыралтеш. Федерал таҥасымашыже 23-шо октябрьыште Плеханов лӱмеш Российысе экономик университетыште лиеш. Регионысо да федерал йыжыҥлаште сеҥыше ден призёр- влакым шергакан приз ден шарнымашан пӧлек- влак вучат.
Фото: Йошкар-Ола администраций.
Фото: Йошкар-Ола администраций.
