Советский районышто шке икшывыже- влак нерген мондышо авам уремлам ӱшташ колтеныт
Советский районышто шке икшывыже- влак нерген мондышо авам уремлам ӱшташ колтеныт. Советский районышто алиментым тӱлыдымаш деке калыкын тӱткышыжым савырыше случай лийын. Кужу жап ача-ава сомылым шуктымо деч шылын коштшо верысе ӱдырамашым административно мутым кучаш шогалтыме,- увертара Маий Элысе суд пристав службын пресс-службыжо. Мировой суд ийготыш шудымо йоча- влаклан кужу жап алментым тӱлыдымӧ ӱдырамашлан 40 шагат ӧкым пашам палемден. Кок ӱдырын 36 ияш авашт 85 тӱжем теҥге утла алимент парымым поген. Ӱдырамаш тӱлен огыл да пашаш пурашат тӧчен огыл. Тидын олмеш шотдымо илышым виктарен. Ынде тудо ӧкым пашам шуктымо деч посна погынышо парымжымат пӧртылтышаш. Ситуаций ок вашталт гын, ӱдырамашым уголовно мутым кучаш шогалтен кертыт. Тунам тудлан тӱрлӧ пашам шукташ гына огыл, ик ий марте эрык деч посна кодаш пунчал кертыт.
Фото: r12.fssp.gov.ru
Фото: r12.fssp.gov.ru
