Марий Эл гыч мастар Череповец олаште ий скульптура фестивальын сеҥышыже лийын
Марий Эл гыч мастар Череповец олаште ий скульптура фестивальын сеҥышыже лийын. Фестиваль 12-шо гана эртен. Тенийсе ийын темыже- «Еш ден Шочмо эл икте улыт». Икымше верым «АлмаЗ» команде сеҥен налын. Тудын радамыште Марий Эл гыч Владимир Алманов ден Юрий Гажев Сергиев Посад гыч. Нуно ий гыч йоча- влакын да пийын фигурыштым пӱчкын луктыныт. «Вашталтышын мардежше» композицийлан нуно шӱдӧ тӱжем теҥгем налыныт. Владимир Алманов сӱретче- влак ешыште шочын. Тыгай фестивальлаште чӱчкыдын участвоватла, 17 гана икымше верым налын. Кокымшо участникше- Юрий Гажев Сергиев Посад гыч. Тудо Владимирын тунемшыже. Художественно пӱчкедыме шотышто Богородскысо институтын кумшо курсыштыжо тунемеш. Фестивальыште 16 команде ӱчашен.
Фото vk.com/festiva_che
Фото vk.com/festiva_che
