Марий Эл Запорожский областьысе Куйбышев районышто тӧрлымӧ пашам умбакыже шукта

Марий Эл Запорожский областьысе Куйбышев районышто тӧрлымӧ пашам умбакыже шукта
                Марий Эл Запорожский областьысе Куйбышев районышто тӧрлымӧ пашам умбакыже шукта. Теҥгече Марий Элым вуйлатыше Юрий Зайцев Россий Правительстве вуйлатышын алмаштышыже Марат Хуснуллинын видеоконференц режим дене эртарыме совещанийыште участвоватлен. Совещанийыште Российын у регионлаштыже кодшо ийын олмыктымо пашам да тенийлан планым каҥашыме. Кодшо ийын Марий Элыште капитально чоҥымо виктем негызеш аварий да тӧрлымӧ бригадым ыштыме. Куйбышев районысо 8 социал кӱлешан объектыште 32 миллион теҥгелан пашам шуктымо. Сомыл вич тунемме тӧнежыште, ик тазалыкаралтыш объектыште, вӱд заборышто да вӱдым ямдылыме станцийыште шукталтын. Куд коммунал техникым намиен пуымо, бензо- да дизель генератор- влакым налме. 278 тонн гуманитар полышым пуымо, ырыктыше прибор, куснылшо автоклубым, орг техникым, литературым, интерактив доскам, у ий пӧлек- влакым намийыме. Тенийлан илышлан кӱлешан да социал сфера объектлаште куд мероприятийым палемдыме. Юрий Зайцевын мутшо почеш социал объектлам, илыме вер да коммунал инфраструктурым вашкерак нӧлталаш задаче шога. Чыла мероприятий график почеш шукталтеш
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски