Тений республикыштына куд школым капитально олмыкташ палемдыме
Тений республикыштына куд школым капитально олмыкташ палемдыме. Марий Элым вуйлатыше Юрий Зайцев тений школ- влакын зданийыштым капитально олмыктымо программым шыҥдарыме йодыш дене совещанийым эртарен. Туныктыш министр Лариса Ревуцкая увертарен: Россий Просвещений министерстве 6 школым ойырен налын: вич муниципал школым да начар ужшо йоча- влаклан ик кугыжаныш школым. Федерал программе кышкарыште тиде пашалан 525 миллион теҥгем ойырымо. Министерствым вуйлатышын мутшо почеш капитально олмыктымо программыште тымарте участвоватлыдыме район- влакым ойырымо. Тыге Красногорскысо икымше школ, Савинысе школ-интернат. Руэм кыдалаш школ, Козьмодемьянскысе кумшо номеран школ, Арде да Пӧтъял школ- влак уэмдалтыт. Лишыл жапыште подряд организаций- влакым ойырен налаш тӱҥалыт. Республикым вуйлатыше палемден: капитально олмыктымо пашам жапыштыже тӱҥалман да икымше сентябрьыште йоча- влак уэмдыме школыш кайышаш улыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
