Республикыштына муниципалитет- влаклан лумым эрыкташ полшаш трассылаште ярсыше техникым колтат

Республикыштына муниципалитет- влаклан лумым эрыкташ полшаш трассылаште ярсыше техникым колтат
             Республикыштына муниципалитет- влаклан лумым эрыкташ полшаш трассылаште ярсыше техникым колтат. Йошкар-Олаште лумым умбакыже эрыктат. «Город» МУП-ын чыла техникыже ден калыкшым ушымо. Лумым тӱҥ шотышто йӱдым корнышто автомобиль шагал годым шупшыктат. Таче йӱдым Первомай, Гоголь, Йошкар Армий, Петров, Ленин проспект уремлам эрыктыме, ротор техникым Йыван Кырла уремыште кучылтмо, неле трактор Кугу Чигаш уремыште пашам ыштен. Кечывалым сквер ден бульварлаште, йолешке вончем воктене да тротуарлаште кид вийымат кучылтыт. Правительстве пӧртыштӧ совещанийыште Марий Элым вуйлатыше палемден: ик арняште кугу лумжым кораҥдыме, но кудывечылаште, тротуарлаште, южо тӧнеж воктене йодыш- влак кодыт. Тидын нерген калык социал вотлаште вуйым шиеш. Юрий Зайцев федерал трассыла да республике кӱкшытан корныла гыч ярсыше техникым муниципалитет- влаклан полшаш колташ кӱштен. Тиддеч посна совещанийыште корнылам эрыктыше у техникым налме йодышымат лончыленыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски