Йошкар-Оласе Изи Какшан эҥерыште телымсе иймаш дене Россий кӱкшытан таҥасымаш- влак эртат

Йошкар-Оласе Изи Какшан эҥерыште телымсе иймаш дене Россий кӱкшытан таҥасымаш- влак эртат
            Йошкар-Оласе Изи Какшан эҥерыште телымсе иймаш дене Россий кӱкшытан таҥасымаш- влак эртат. Тиде каныш кечылаште, 3-шо 4-ше февральыште теле иймаш дене Россий кӱкшытан «Сеҥымашын кубокшо» таҥасымаш- влак лийыт. Нуно куд олаште куд йыжыҥ дене эртаралтыт. Марий рӱдӧ ола кумшо йыжыҥын участникше- влакым вашлиеш. Спортсмен- влак 18 ияш гыч ийгот тӱшкалаште 25 гыч 200 метр марте кужытым эртышаш улыт. Тидыжат оҥай: ийше- влак шке кужытыштым Изи Какшан серысе мотор архитектура фонышто ийын эртат. Таҥасымашын программыже почеш 3-шо февральыште 25 метрыш эрыкан стиль да брасс дене, 100 метрыш тыгак эрыкан стиль да брасс, 200 метрыш брасс йӧн дене ийыт. Нылымше февральыште 50 метрыш эрыкан стиль да брасс, 200 метрыш эрыкан стиль да 25 метр дене ныл гана эстафетыште эрыкан стиль дене ийын таҥасат.
        Фото: «Йошкин морж» телым ияш йӧратыше- влакын клубышт (архив).

Прошлые выпуски