Марий Элыште 17 школ ден ик колледжым пилотдымо авиаций системе дене пашам ышташ туныкташ келыштарат
Марий Элыште 17 школ ден ик колледжым пилотдымо авиаций системе дене пашам ышташ туныкташ келыштарат. Тиде- Йошкар-Оласе технологий колледж ден 17 школ. Россий просвещений министерствын эртарыме ойырен налме конкурс почеш Марий Эл тыгай рӱдерым почаш палемдыме 30 регион коклаш пурен. Тидлан федерал да регионысо бюджетла гыч оксам ойырымо. Тений рӱдерла негызеш республикысе 500 утла тунемшылан шинчымашым пуышаш улыт. А икымше июльлан тӧнежлаште лӱмын ыштыме кружок ден ямдылыме рӱдер- влак почылтыт. Ушештарена: пилотде чоҥештылше аппарат- влакым виктарыме шотышто курсым тунемме тӧнежлаште тунемме расписанийыш пурташ Российын Президентше Владимир Путин темлен.
Фото: Туныктыш министерстве.
Фото: Туныктыш министерстве.
