Республикыштына ик ий жапыште аза колымаш 40 процентлан шагалемын

Республикыштына ик ий жапыште аза колымаш 40 процентлан шагалемын
           Республикыштына ик ий жапыште аза колымаш 40 процентлан шагалемын. Тазалыкаралтыш министерствыште пресс-конференций эртен. Тушто республикысе журналист да вӱдышӧ- влак лийыныт. Тазалыкаралтыш министр Марина Панькова кодшо ийын «Тазалыкаралтыш» калыкле проектым шыҥдарыме йодышеш радамын шогалын. Тудын мутшо почеш Марий Эл ятыр тӱҥ показатель дене российысе регион- влак коклаште ончылно кайыше- влак радамыште улеш. Республикыште колымаш 12, 09 шӱдаш процент лийын, Россий мучко- 12. Ик ийыште тудо 4,6 процентлан шагалемын. Чер- влак дене ончалаш гын, сӱрет тыгай лиеш: вуйдорыкышто вӱр коштмо нарушенийлан кӧра колымаш кундемыштына эн изи. Вӱр коштмо системе деч колымаш шӱдӧ тӱжем еҥлан 412, Российыште- 527. Тиде показатель дене республике нылымше верым налеш. Онкологий дене шӱдӧ тӱжем еҥлан 156 еҥ колен. Тиде кудымшо вер. Российыште шӱдӧ тӱжем еҥлан 200 еҥ. Кодшо ийын онкологий деч эмлаш республикыште ик миллиардат 113 миллион теҥгем кучылтмо. Министр палемден: республикыште аза колымым шагалемден кертме. Ик ийыште тиде показатель 40 процентлан шагалемын. Кодшо ийын тӱжем азалан 3,6 колышо лийын, российыште- 4. Тидыже азам ышташ ончыкылык авам рӱдӧ олаш кондымылан кӧра лийын.
          Фото: МариМедиа.

Прошлые выпуски