Немда эҥер гоч кӱварым пужен ыштыме пашам 2025-ше ийын ноябрьыште мучашлат
Немда эҥер гоч кӱварым пужен ыштыме пашам 2025-ше ийын ноябрьыште мучашлат. Общественник- влак пашан кузе кайымыжым терген лектыныт. Объект Йошкар-Ола- Уржум корнын 70-шо меҥгыштыже верланен. Кызыт кӱварыште ямдылалтмаш паша кая. Корным чоҥышо- влак технике ден транспортлан кошташ технологий площадкым ыштат, мланде полотном тӧрлат, корно пале- влакым кораҥдат, барьер чаракым ыштат. Ончылно связь линийым рончымаш да мланде йымалсе коммуникацийым пужен ыштымаш вучат. Транспорт министерствыште увертарыме почеш у кӱварын кужытшо 59 метр утла, тудын деке лишемме корно кок меҥгат 183 метрыш погына. Пашам шукташлан корным транспортлан тӱрыс петырыме.
Фото: Транспорт министерстве.
Фото: Транспорт министерстве.
