Марий Элым вуйлатыше Йошкар-Ола аэропортын чоҥалтше пассажир терминалжым ончен лектын

Марий Элым вуйлатыше Йошкар-Ола аэропортын чоҥалтше пассажир терминалжым ончен лектын
                Марий Элым вуйлатыше Йошкар-Ола аэропортын чоҥалтше пассажир терминалжым ончен лектын. Куд тӱжем квадрат метр кумдыкан у зданий ик шагатыште 400 пассажирым обслуживатлен кертеш. У терминал 80 процентлан ямде. Юрий Зайцев чоҥештен лекме зоным, пассажир- влаклан вучымо залым, тыгак чоҥештен кӱзымӧ да волен шичме полосам пужен ыштымые пашам аклен. Чоҥымо да монтаж пашан тӱҥ ужашыжым ыштыме: аэровокзалын зданийжым чоҥымо, воктелсе кундем ден толмо корным тӱзландарыме, вӱдым ситарыме, кучылтмо вӱдым йоктарен колтымо, шокшым ситарыме сетьым пыштыме. Терминал кӧргышто отделке паша мучашлалтеш, подрядчик тувырашым, пырдыжым, омсам ышта. Лишыл жапыште технологий оборудованийым монтироватлаш тӱналыт. Пужен ыштыме деч вара чоҥештен кӱзымӧ да волен шичме полоса кугурак самолёт-влакым налын кертеш. Тидыже пассажир- влакым ешараш да маршрут сетьым кугемдаш полша. Юрий Зайцев палемден: аэропортым чоҥымаш да полосам пужен ыштымаш пассажир- влакын лӱдыкшыдымылыкышым да комфортыштым кугемдаш, географийым кумдаҥдаш да регионыш инвестор-влакым кумылаҥдаш полша.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски