Школ лесничестве- влакын республике кӱкшытан слётышт эртен

           Кодшо кечылаште «Шап» тазалыкым пеҥгыдемдыме комплексыште школ лесничестве- влакын йӱлаш савырныше республике кӱкшытан слётышт эртен. Тудым пӱртӱс поянлык, тазалыкаралтыш министерстве- влак да йоча эколого-биологий рӱдер ямдыленыт. Слётыш 17 команде ушнен: 16-шо Марий Эл гыч, иктыже Крым республике гыч. Икымше кечын ныл корно дене мастар- класс эртен: чодырам шындымаш, пушеҥгын да чодыран акшым шымлымаш, чодырам аралымаш да тудым оролымаш. Вара визитке дене палымым ыштеныт, видеороликым ышташ туныктымо мастар- класс эртен. Кокымшо кечыжат тӱрлӧ шинчымашым тергымылан поян лийын. Эн сай школ лесничестве лӱмым Юринысе кыдалаш школын «Родничок» лесничестве командыже сеҥен налын. Кокымшо верым Крым республике ден Шойбулак кыдалаш школын школ лесничестве командышт пайленыт. Кумшо вер Волжскысо экологий рӱдерын командыжлан логалын.
            Фото: Туныктыш министерстве.

Прошлые выпуски