Йошкар-Оласе Фестивальный микрорайонышто социал тӧнеж- влакым чоҥымо йодышым контрольыш налме

             Юрий Зайцев Йошкар-Оласе Фестивальный микрорайонышто социал тӧнеж- влакым чоҥымо йодышым шке контрольышкыжо налын. Эн ончычак тушто йоча садлам чоҥымо йодыш шога. Чоҥымаш министр Михаил Степановын мутшо почеш кундемлам комплексно вияҥдыме ойпидыш почеш чоҥышо илыме пӧрт- влакым нӧлтымӧ дене пырля тушто 180 веран кок йоча садым ыштышаш ыле. Но ойпидышын жапше эртен, а социал тӧнеж- влак шочын огытыл.
             Кызытсе жаплан Фестивальный микрорайоным 65 утла процентлан ыштен шуктымо, шуко пачеран 22 пӧртым нӧлтымӧ, чоҥымаш умбакыже шуйна. Марий Элым вуйлатышылан сайлымашыште сеҥыше Юрий Зайцев палемден: кӱкшӧ пӧрт- влакым чоҥымо дене пырляк социал инфраструктура объект- влакат чоҥалтшаш улыт, кумдык комплексно вияҥшаш. Сандене ола администраций ден инвестор кокласе ӱчашымашым виктарен колтыман да калыклан йӧнан лийже манын пашам ыштыман.
             Фото: Марий Элым вуйлатышын организаций да аналитик виктемже.

Прошлые выпуски