Осипенко уремыште олмыктымо паша мучашыш лишемеш, а Чехов уремыште тротуарым ачалаш тӱҥалме

          Рӱдӧ оласе Осипенко уремыште олмыктымо паша мучашыш лишемеш. «Качестван лӱдыкшыдымӧ корно» калыкле проектлан кӧра оласе утларак да утларак объект- влак норматив марте шукталтыт. Осипенко уремыште подряд организаций пашан тӱҥ ужашыжым пытарен. Пролетар урем деч Йошкар Армий урем марте ужашыште корно пашазе- влак асфальтым шареныт да разметкым ыштеныт.
           А Чехов уремыште тротуарым олмыкташ тӱҥалме. Пашам сентябрь мучашлан  пытараш шонат. Мэрийыште рашемдыме почеш жапым умбакырак кусарымаш йолын коштмо верым олмыкташ проект документацийым уэмдыме да келшыше контрактым пеҥгыдемдыме дене кылдалтын. Ынде тиде уремыште корным гына огыл, тротуарымат олмыкташ тӱҥалыт. Кызыт подрядчик- влак тошто асфальтым кораҥденыт, тошто бордюрым рончен налыныт да уым вераҥдаш тӱналыныт. Чыла паша «Качестван лӱдыкшыдымӧ корно» калыкле проект кышкарыште шукталтеш.
             Фото: Йошкар-Олан мэрийже.

Прошлые выпуски