Тӱҥ врачын кечыштыже республикысе медицина пашаеҥ- влаклан наградым кучыктымо

Тӱҥ врачын кечыштыже республикысе медицина пашаеҥ- влаклан наградым кучыктымо
               Тӱҥ врачын кечыштыже республикысе медицина пашаеҥ- влаклан наградым кучыктымо. Республикысе антикризис рӱдерыште Тӱҥ врачын кечыже эртен. Погынышо- влак онкологий черан еҥ- влакым эмлен шогымо, «Республикысе тазалыкаралтыш системын медицина органиазцийже- влаклан квалифицированный кадрым ситарымаш» регионысо проектым шыҥдарыме, закупко сферысе законодательствыште вашталтыш да моло йодыш-влакым каҥашеныт. Вашлиймаш медицина пашаеҥ- влаклан наградым кучыктымаш гыч тӱҥалын. Правительстве председательын икымше алмаштышыже Наталья Ошланова «Тазалыкаралтышын отличникше» оҥеш пижыктыме палым Волжск оласе рӱдӧ эмлыме верын врач-рентгенологшо, лучевой диагностике пӧлкам вуйлатыше Ирина Черновалан кучыктен. Россий тазалыкаралтыш министерствын Чап грамотыжым Йошкар-Оласе икымше поликлиникын тӱҥ врачшын алмаштышыже Ирина Баева, Медведево районысо Нурма врач амбулаторийын стоматолог- терапевтше Лариса Краснова, Медведево ЦРБ-н медшӱжарже Нина Торопова, Йошкар-Оласе стоматологий поликлиникын тӱн врачше Ирина Шмаровалан пуымо. Наталья Ошланова тыгак «Марий Эл ончылно надырлан» орденын медальже дене тазалыкралтыш министрын алмаштышыже Татьяна Бастраковам наградитлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски