Марий Эл Правительствыште правонарушенийлан профилактикым ыштыме йодышым каҥашеныт

Марий Эл Правительствыште правонарушенийлан профилактикым ыштыме йодышым каҥашеныт
              Марий Эл Правительстве пеленсе правонарушенийлан профилактикым ыштыме шотышто Ведомство-влак кокласе комиссийын да калык дружине- влакын пашаштым виктарыше штабын пырля эртарыме заседанийышт лийын. Тушто Республикым вуйлатышын администрацийжын, исполнительный кучем органлан, правам аралыше органлан, Йошкар-Ола ола округын администрацийжын да У торъял район администрацийын еҥышт участвоватленыт. Туныктыш министрын алмаштышыже Валентина Гаврилова, паша да социал аралтыш министрын алмаштышыже Галина Ярцева. Самырык политике комитетын председательже Станислав Игошин каласыме теме дене ведомство-влак кокласе кыл нерген ойленыт. Тыгак Йошкар-Ола ден У Торъял район администраций- влакын правонарушений ден осал пашалан профилактикым ыштыме пашаштын пайдалыкшым ончымо. МВД-н полиций начальникшын тӱшка порядкым эскерыме шотышто алмаштышыжын пашажым шуктышо Александр Борискин тений калык дружинылан ревизийым ыштыме лектыш да дружине- влакын, нунын пашаштым виктарыше штаб- влакын паша лектышышт нерген ойлен. Заседаний почеш профилактике пашан пайдалыкшым нӧлталме, тӱшка порядкым ыштымашке калыкым кумылаҥдыме да моло шотыштат мероприятий- влак комплексым ямдылыме. Комиссий ден штаб 2025-ше ийлан паша планым пеҥгыдемденыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски