Марий филармонийыште «Чолга шӱдыр» концерт лиеш

Марий филармонийыште «Чолга шӱдыр» концерт лиеш
              Марий филармонийыште «Чолга шӱдыр» концерт лиеш. Марий эстрадын лӱмлӧ артистше- влак ик сценыш чумыргат да эртыше саманын мурыжым йоҥгалтарат. Яков Эшпай лӱмеш Марий Кугыжаныш филармонийыште 6-шо январьын 14 шагатлан «Чолга шӱдыр» концерт эрта. Эстрада мурын тыгаяк лӱман фестивальже республикыште 1997-ше ий гыч ятыр ий почела эртаралтын. Но у сем событий- влак шочмеке тудо шеҥгек шӱкалалтын. Ятыр ий эртымеке Марий филармонийын коллективше шке ончышыжо- влаклан ончычсым шарналташ темла. «Шара шинча», «Шупшалалтме там», «Йӱдйымал мардеж»- нине да моло муро ятыр еҥын чонжым йӱлалтен да уэш филармонийын сценыже гыч йоҥгалтыт. Концерт программыште марий да руш ретро-хит да марий композитор- влакын произведенийышт йоҥгат. Тӱн пӧлекше- чапланыше «Чолга шӱдыр» муро лиеш. Концертыште Российын сулло да Марий Элын калык артисткыже Зоя Берникова, Марий Элын калык артисше- влак Владимир Ромашкин ден Светлана Осипова, сулло артист- влак Нина Казашова, Эльвира Попова калыкым куандарат. Касым Марий Элын калык артистше Алексей Волковын вуйлатыше Станислав Элембаев лӱмеш «Марий кундем» Кугыжаныш калык семӱзгар оркестр сӧрастара.

Прошлые выпуски