Марий Эл Правительствыште ял кундемлам вияҥдыме йодышым каҥашеныт

Марий Эл Правительствыште ял кундемлам вияҥдыме йодышым каҥашеныт
               Марий Эл Правительствыште ял кундемлам вияҥдыме йодышым каҥашеныт. Правительстве председательын алмаштышыже Дмитрий Троицкийын вуйлатымыже почеш ял кундемлам вияҥдыме шотышто ведомство кокласе пашаче группын заседанийже лийын. Погынымаште Россий ял озанлык министерствын ял кундемлам вияҥдыме департаментын директоржо Ренат Бибисаров, Марий Элысе ведомство кокласе пашаче группын еҥышт, район ден олалан администрацийыштым вуйлатыше- влак лийыныт. Погынышо- влак опорный илемлам социал- экономик велым вияҥдыме кужу жаплан планын проектшым ыштыме да кутырен келшыме йодышым каҥашеныт. Кужу жаплан планым куд ийлан ыштат. 2023-шо ийын лектышыже почеш муниципал образований- влаклан ялысе калыкын илышыжым саемдаш, шуко шочшан еш- влаклан социал оксам налаш свидельствым пуымо. Тиддеч посна ял кундемлам тӱзландарыме 9 проектым шыҥдарыме, 234 тӱжем квадрат метр илыме верым пашаш колтымо.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски