Россий» Тӱнямбал выставке форумышто Россий кӱкшытан «Родные-Любимые» еш форум пашам ышта
Россий» Тӱнямбал выставке форумышто Россий кӱкшытан «Родные-Любимые» еш форум пашам ышта. Тушто Республикым Шабдаровмыт еш ончыкта. Еш оза Сергей Шабдаров Россий Президентын администрацийжым вуйлатышын икымше алмаштышыже Сергей Кириенколан еш йӱла, сеҥымаш- влак нерген каласкален. Ме Шернур район гыч еш улына. Конкурсышто кована, пелашем да шым йоча- ныл ӱдыр да кум эрге участвоватлат. Эргына- влак кумытын йыгыр улыт. Нунылан руш йомакын геройжо- влакын лӱмыштым пуэнна. Ешна усталык пашам йӧрата. Нылымше тукымышто мӱкшым ончышо улына. Марий калыкын чыла йӱлажым шуктен шогена. Тошто вургемым ончалаш гын, чыла тӱржӧ тукым гыч тукымыш куснен да уым ешарен шогена,- каласен тудо. Марий Элым вуйлатыше Юрий Зайцев Сергей Кириенколан тӱткышым ойырымыжлан тауштен да ешарен: Шабдаровмыт еш- республикын кугешнымашыже да йочам достойнын шуарыме образец улеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
