Российын чоҥымаш министрже республикысе чоҥымо отрасльын сеҥымашыжым да ончыкылыкшым аклен

Российын чоҥымаш министрже республикысе чоҥымо отрасльын сеҥымашыжым да ончыкылыкшым аклен
                Российын чоҥымаш министерствыжым вуйлатыше республикысе чоҥымо отрасльын сеҥымашыжым да ончыкылыкшым аклен. Шуматкечын ВДНХ-ште «Россия» выставке-форумышто Чоҥымаш да ЖКХ кече эртен. Тиде сферыште шке сеҥымашыжым Марий Эл ончыктен. Марий Элын делегацийжым Республикым вуйлатыше Юрий Зайцев вуйлатен. Марий Элым вуйлатыше Россий Правительстве председательын алмаштышыже Марат Хуснуллинын эртарыме чоҥымаш министерствын коллегийжын заседанийыштыже участвоватлен. Мемнан чыла йӧнна уло. Кушко кайышашым умылен шогена. Шуматкечын чыланат ВДНХ-ш толын кертмыланда кугу тау,- каласен Марат Хуснуллин. Марий Элым вуйлатыше республикын стендышкыже мийыше Российын чоҥымаш министрже Ирек Файзуллинлан регионын йӧнжӧ, шыҥдарыме план ден проектше нерген каласкален. Республикыште 108 предприятий чоҥымо материалым луктеш. Республикыште силикат кермычым, бетоным, цементым, известьым, пырдыжлык блокым, фанерым, чоҥышаш смесьым, чиям, пенополиуретаным, пу да полимер композитым ыштат. Юл кундем округышто Марий Эл илыме верым пашаш колтымо дене нылымше верым налын шога. Юрий Зайцев «Юл эҥерым тазаҥдымаш», «Ару вӱд», «Оласе йӧнан кумдыкым ыштымаш» федерал проект- влакым, «Тазалыкаралтыш» калыкле проектым шыҥдарыме, школым чоҥымо нерген каласкален. Тыгак Россий Правительство вуйлатышын алмаштышыже Марат Хуснуллинлан да Россий чоҥымаш министр Ирек Файзуллинлан республикылан полшен шогымыштлан тауштен ойлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски