Юл эҥерыште водолаз- влак пурен кайыше Валерий Барулиным кычалыт
Юл эҥерыште водолаз- влак пурен кайыше, Юринысе «Бард Вилладж» экопаркым негызлыше Валерий Барулиным кычалыт. 18-ше январьыште иктаж 20 шагат гутлаште Юрино посёлко ден Сумки села коклаште тудо автомобильже дене пырля вӱд йымак каен. Машинаште лийше кок ӱдырамашыже утлен лектыныт. Утарыше- влак азап деч вара ийым висеныт. Тудо 15-20 сантиметр лийын. Вӱдйымал видеокамере дене автомобильын кийыме верым рашемденыт. Тудо 13 метр келгытыште кия. Водительын капшым икмыняр кече кычалыт гынат, кызытеш лектыш уке. аварийно-утарыше службын ончыктымыжо почеш кычалмаш тачат эртен.
Фото: Марий аварий да утарыше служба.
Фото: Марий аварий да утарыше служба.
