Йошкар-Ола мэрийыште школ ден йоча садлашке шонымо семын кошташ решенийым луктыныт
Йошкар-Ола мэрийыште школ ден йоча садлашке шонымо семын кошташ решенийым луктыныт. Рӱдӧ олаште кужун лумшо лумын да поранын экшыкшым умбакыже кораҥдат. Тидын шотышто Евгений Маслов оласе калык деке ой дене лектын. Тудын мутшо почеш администраций улшо йӧным чыла ушен. Коммунал техникын паркшым частный трактор, грейдер, погрузчик да самосвалым ӱжмылан кӧра кок пачаш кугемдыме. Корно пашазе- влак сутка мучко пашам ыштат. Тидлан кӧра тӱшка транспорт чарныде коштеш, оласе тӱҥ магистраль- влак почмо улыт. Туге гынат, кызыт частный секторышто, квартал кокласе корнылаште да поснак кудывечылаште неле ситуаций кодеш. Йолешке маршрутлаште, эмлыме вер, школ, йоча садлашке мийымаште паша шуко. Лумым эрыктен пытараш эше кок-кум кече кӱлеш. Оласе калыкым тиде ситуацийым умылаш ӱжам,- каласен Евгений Маслов. Тидымат ешарен: таче гыч посна распоряжений марте школ, йоча сад, ешартыш шинчымашым пуымо тӧнежлашке шонымо семын кошташ решенийым лукмо. Сандене йоча- влакым намиен кодаш нелылык уло гын, нуным мӧҥгыштӧ кодаш лиеш. Калыкым шке транспорт дене огыл, а тӱшка транспорт дене утларак пайдаланаш ӱжыт. Пашам пуышо- влак деке посна йодмаш лиеш: корно начарлан кӧра пашаш вараш кодшо пащаеҥ- влакым наказатлаш ок кӱл,- ешарен олам вуйлатыше. Тыгак тудо коммунальщик- влаклан гына огыл, шке кумлын уремлашке полшаш лекше оласе калыклан таум каласен.
