Марий Эл самырык тукымым военно-патриотизм шӱлышеш шуарыме дене ончыл верым айла

Марий Эл самырык тукымым военно-патриотизм шӱлышеш шуарыме дене ончыл верым айла
            Марий Эл самырык тукымым военно-патриотизм шӱлышеш шуарыме дене ончыл верым айла. Кодшо арня мучашыште Республикым вуйлатыше Юрий Зайцев «Армий ден обществе. Кугыжаныш обороным вияҥдымаште ведомство- влак кокласе вашкыл» Ведомство- влак кокласе 9-ше шанче- практик конференцийыште участвоватлен. Мероприятийыште Российысе субъектлам вуйлатыше, кугыжаныш кучем органлан еҥышт да вуйлатышышт, научно шымлыше организацийлан, военный да граждан тунемме тӧнежлан, ОПК предприятийлан, мер организацийлан, промышленность ден бизнесын еҥышт лийыныт. Конференцийым Россий оборона министерствын алмаштышыже Николай Панков почын.
              Россий Президентын Юл кундем округышто полномочный представительже Игорь Комаров  самырык- влакым военно-патриот шӱлышеш шуарыме паша нерген ойлен. Марий Элыште тиде паша дене 120 тӱжем утла еҥым авалтыме. Кундемыштына патриотизм шӱлышеш шуарыме вич рӱдер пашам ышта. Марий Эл Президент Владимир Путинын  «Авангард» рӱдерлам ышташ кӱштымашыжым эн ончыч шуктышо лу регион коклаш пурен. Шӱдӧ кадет классыште кок тӱжемат 286 тунемше шуаралтеш, 105 венно-патриот клубышто кум тӱжем утла самырык еҥ тунемеш. Республикыште 153 юнармий отряд уло. Тушто ныл тӱжем утла юнармеец шотлалтеш. 8 гыч 18 ияш марте юнармий толкыныш йоча ден самырык- влакым ушымо дене Российысе кундем- влак коклаште Марий Эл 11-ше верым налын шога. 2016-шо ий гыч йоча- влаклан теҥыз пашам вияҥдаш полшышо «Паллада» парус клуб йоча мер организаций пашам ышта. Клубышто 8 гыч 16 ияш марте 100 самырык- моряк тунемеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски