Марий Элыште искусственно волгалтарыме пашалан 122 миллионат 800 тӱжем утла теҥгем ойырымо
Марий Элыште искусственно волгалтарыме пашалан 122 миллионат 800 тӱжем утла теҥгем ойырымо. Качестван лӱдыкшыдымӧ корно калыкле проект кышкарыште вич ялыште корным волгалтарыме. Мутлан, Медведево районысо Руэм посёлкышто ик меҥгат 400 метр кужытым волгалтарыме. Курык марий районышто Микракыште Картук- Микрак- Васильсурск корнын кок меҥге утла кужытыштыжо, Картукышто тиде корнынак пел меҥге кужытыштыжо да Картук- Йоласал- Пайыскырык корнын 700 метр кужытыштыжо волгалтарыме. Морко районысо Октябрьский посёлкышто Звенигово- Шолеҥер- Морко корнын кок меҥге утла кужытыштыжо, У Торъял районысо Пектубай селаште Оршанке- Пектубай- У Торъял корнышто кок меҥгат 300 метр кужытыштыжо тулым пуртымо. Тул деч посна индеш меҥге утла кужыт тротуарым, автобус чарналтыме вич верым ыштыме.
Фото: «Волго-Вятскуправтодор» ФКУ (архив).
Фото: «Волго-Вятскуправтодор» ФКУ (архив).
